ادارتي پاليسي
سنڌي بازارِي ٻولن جو ڪوش، انڊسين ٽيڪنالاجيز جي رٿا سنڌي لئنگئيج ڊاٽ آرگ جو تحقيقي منصوبو آھي. ھن ڪوش جي ادارتي پاليسي کليل، چٽي ۽ سڌي آھي.
- اسان جو قطعي مقصد سنڌي ٻوليءَ جو واڌارو، دستاويزبندي ۽ تحقيقي استعمال آھي.
- سنڌي ٻوليءَ اندر بازارِي ٻولن جي سڃاڻپ، معنيٰ، استعمال، شدت ۽ عمر جي درجابندي محفوظ ڪئي وڃي ٿي تہ مستقبل ۾ مصنوعي ذھانت ۽ قدرتي ٻوليءَ جي پروسيسنگ وارا سرشتا انهن ٻولن کي سڃاڻي سگهن.
- شدت جي درجابندي ادارتي جائزي سان طئي ڪئي ويندي. مشيني درجابندي جو مقصد بہ مستقبل ۾ اهڙي ڊيٽا مان تربيت حاصل ڪرڻ آھي.
- ھن ڪوش ۾ ڪنھن بہ جيئري فرد کي نشانو بڻائيندڙ لفظ، پھاڪو يا ڪا بہ ڳالهہ شايع نہ ڪئي ويندي.
- ڪنھن جي ذاتي سڃاڻپ ظاهر ڪندڙ يا غيرقانوني مواد شايع نہ ڪيو ويندو.
- اسان ڪنھن بہ پرڳڻي، علائقي، ڳوٺ يا واھڻ وستيءَ جو نالو کڻي ان کي تذليل ڪندڙ جملا شامل نہ ڪنداسين؛ پر جيڪڏھن اھي ڪنھن معتبر ڪتاب، لغت يا معتبر اداري جي تحقيقي ڪم ۾ ڇپيل ھجن تہ ماخذ جي چٽي سڃاڻپ سان شامل ٿي سگهن ٿا.
- اصل لفظ، ٻول، پھاڪو يا تاريخي شاھدي آرڪائيوي دستاويز طور محفوظ ٿي سگهي ٿي، پر مثالن مان ادارو فردن جا نالا، فون نمبر ۽ ذاتي ڄاڻ هٽائي ڇڏڻ جو پورو حق رکي ٿو.
- واھپيدارن پاران موڪليل مواد سڌو شايع نہ ٿيندو؛ آخري ادارتي نظرثاني ضروري آھي.
- ھن ڪوش ۾ داخلائن جو آخري اشاعتي اختيار انڊسين ٽيڪنالاجيز جي انتظام وٽ رهندو.
- ھي پاليسي وقت بوقت تبديل ٿيندي رھندي.
تاريخ: 16 آگست، 2026